هندەک ژ هۆزانێن کاک کامی گۆهەرزی

کامی گۆهەرزی

 هێزا ئه‌ڤینا ته‌‌

داڤێن پرچا ته‌ژى 

یێن بوینه‌ كانیێن هوزانا و

په‌یڤ لێ دزێن

ئه‌و گه‌رده‌نا ته‌ یا سپى 

كه‌عبه‌یا ئه‌ڤینێیه‌ و

سیناهیا چاڤێن من 

ته‌وافێ بۆ دبه‌ن و ل دور دزڤڕن

ئه‌رێ خاتین

هه‌ر پێنگاڤه‌كا تو‌ دهاڤێژى 

بیڤه‌له‌رزه‌كێ دناڤ دلێ مندا د ئافرینن

هه‌ر په‌یڤه‌كا تو‌ ددركینى

دناڤ بابه‌لیسكا ڤیانێدا 

سه‌مایێ ب جانێ من دكه‌ن

چ بكه‌م ؟؟

عه‌شقا ته

ژ په‌ڤێن من ده‌وله‌مه‌ندتره‌

جادویا چاڤێن ته‌

ژ شيانێن دلێ من بهێزتره‌

كامى گوهه‌رزى

14-9-2013

************************************

 هوزانه‌ك ژ بۆ ته‌

چاڤێن ته‌ یێن ڕه‌ش و هه‌ستێن من یێن نازك

یێ دشه‌ڕگه‌ها ڤیانێدا

په‌یڤێن ته‌ یێن شیرین یێن دبنه‌ داگیركه‌ر

و وارێ دلێ من ێى نازك داگیر دكه‌ن

خه‌یالێن من یێن بوینه‌

زیندانى یێن روكێن ته‌

تۆى ئه‌و حوریا ژیانێ

كو به‌ژنا ته‌ یا جوان

یێ دبیته‌ فێرگه‌ها هوزانێن من

ئه‌و لێڤێن ته‌نه‌

شه‌كرێ دبه‌خشنه‌ شیرینییا خه‌ونێن من

كامى گوهه‌رزى

2013-5-10

************************************

 ئێدى به‌سه‌

ئه‌ز یێ بویه‌ زیندانییه‌ك

دناڤبه‌را بهارا چاڤێن ته‌ و

دوزه‌خا په‌یڤێن ته‌دا

لێ نێرینێن ته‌ مینا بارانێ

هه‌ستێن من یێن تێنى ئاڤ دده‌ن

و په‌یڤێن ته‌ مینا خه‌نجه‌رێ

دڵى من یێ ڕه‌به‌ن دبژكینن

ئێدى به‌سه

لیڤینا برویێن ته‌

ب ساناهى دلێ من یێ گه‌ڕوگ

دیلێ ڤینێ دكه‌ن

و ئاوریێن ته‌ یێن دژوارژى

بێ دلوڤانى ئه‌ڤ دلێ‌ دیل بویى

دسوژن و ژناڤ دبه‌ن

بۆ سه‌روك بارزانى

تو ئه‌و سه‌روكه‌ى 

گوڵ و دار و دره‌خت

به‌ژنى خویان بۆت نه‌وى ده‌كه‌ن

شاخ و كوێستان و كانیه‌كان

شاهیدى بۆ دلسوزى و خزمه‌تت ده‌ده‌ن

شار و گوند و ئاوه‌دانى

سه‌رى نه‌وازش بۆت داده‌نوێنن

خوێنى شه‌هید و ڕه‌نجى پێشمه‌رگه‌

ده‌نگ و وه‌فا

بۆت دووپات ده‌كه‌ن

منیش تاكێكم

هێزى ئه‌وه‌م نییه‌

زۆر ته‌ماشاى چاوه‌ بریقه‌دار 

و روخسارة مێهره‌بانت بكه‌م

تاقه‌تم نییه‌ بیر له‌ بێ گه‌ردى و

جوانى ناخت بكه‌م

سه‌رۆك تو چوون مژده‌ى سه‌ركه‌وتنم ده‌ده‌یتێ 

منیش په‌یمان نوێ ده‌كه‌مه‌وه‌

تۆ دڵ و جه‌رگ و ژیانمى

تو تاجى سه‌ر سه‌ر و دڵ و گیانمى

كامى گوهه‌رزى

3-9-2013

************************************

ئه‌ڤرو من بلبله‌كا دزیكه‌ر دیت

د په‌نجه‌را سینگێ منرا هاته‌ ژوور

ئه‌ڤرو من دلێ خوه‌ دیت

بێ هه‌لویست و مرى

چوو به‌ر باوه‌شا دزیكه‌ره‌كێ

ئه‌ڤرو كوتره‌ك د به‌ر منرا بورى

بێهن و نازداریێن وێ

ده‌روونێ من داگیر كر

ئه‌ڤرو من ده‌روونێ خوه لاواز دیت

ئه‌ز نه‌دنیاسیم و

خوه‌ دیلێ كوتره‌كا دره‌وين كر 

************************************

هه‌ناسه‌ ونبووه‌كه‌م .... ؟

ئه‌گه‌ر چى تۆ فریشته‌ى ئاسمانه‌كانى ..... و
من عاشقى سه‌رگه‌ردانى سه‌ر زه‌مین
تۆ بوبلبول و په‌پوله‌ى گه‌رۆكى و
من سه‌ر لێ شێواو و شێتى ئه‌وین

ئه‌گه‌ر چى دڵت مه‌ست و بێ ئاگاو سته‌مكار ...... و
دڵم ئه‌سیرى روخسارت و شێتى هه‌سته‌كان
چاوت ڕووبارى ونداكردنى هه‌ناسه‌م .... و
هه‌ناسه‌م تێنوى ئاوى چاوه‌كانت

به‌ڵام خوشه‌ویستیت یاساى رێكخستنى هه‌ناسه‌مه‌
خوشه‌ویستیت سنورى پاراستنى گیانمه‌
خوشه‌ویستیت باخچه‌ى پشوودانى روح و ده‌روونمه‌

كامى گوهه‌رزى 

2013-6-8

************************************

به‌رگه‌ ناگرم 

ته‌مه‌نم له‌ به‌هارى خويدا
گوله‌كانى هه‌لوه‌راند
زه‌رد كوێستانه‌كانى دلمى داپوشاند
چيتر ناخم به‌رگه‌ى 
سوتانى هه‌سته‌كانمى نه‌ماوه‌
چيتر چاوه‌كانم 
به‌رگه‌ى ديتنى چاوه‌ سێحراوييه‌كانت نه‌ماوه‌
ته‌مه‌نم ئه‌سيرى 
زولفه‌ شێواوه‌كانت بووه‌
شادى ژيانم
زيندانى چاوه‌ره‌شه‌كانت بووه‌
بمبوره‌ تا ئێره‌ به‌سه‌

ئيتر به‌رگه‌ ناگرم

كامى گوهه‌رزى 
2012/11/15
************************************
لاپەرێ سەرەکی